اكتشف اللاوعي،
تفنّن بترتيبه،
إستمتع بكسر المحدودية!
الجوهر ما بيتغيّر الجوهر بيتغبّر
بتتوقّع إنك بتعرف كل شي عن حالك؟
كل اللي منعرفه عنا بالوعي هو حصيلة الأفكار والقناعات والصورة اللي ألصقها المجتمع والبيئة فينا.
أما حقيقتنا.. هيي هوية عُلويّة لا تُمس!
يقتصر هدفنا من تلك الجلسات على إزالة الحُجُب (الغبرة) الحائلة دون سطوع النور الداخلي ووضوح الرؤية!
في التخلي التجلي
إكتشف الوفرة من الداخل إلى الخارج.
هذه الجلسات تساعدك على التخلّي عن التعلّقات والطبقات التي تعيق تدفّقك الطبيعي، لتستعيد اتصالك بذاتك العليا. مع هذا التحوّل، تنمو لديك مشاعر الاستحقاق، وتتجلّى البركة، وتختبر سلاماً داخلياً وإزدهاراً حقيقياً!
لعبة المعاني
أحياناً، لا نحتاج أن نغيّر ما يحدث… بل أن نغيّر الطريقة التي نراه بها.
في جلسات “حكمة اختيار المعنى”، نرافقك لتكتشف تلك المساحة الهادئة بين ما تمرّ به وبين ردّة فعلك عليه.
مساحة تمنحك خياراً جديداً… نفساً أعمق… ونظرة أوسع.
مع الوقت، تنمو داخلك مناعة نفسيّة كقُوّة هادئة تحميك وتدعمك في مواجهة التحديات بثبات ومرونة!
تعرّف على مدى إنسجام قلبك !وعقلك!!
كثير بيصيبنا إحساس بالضياع وعدم الرضا ، وكأنه في شي ناقص ؟ وكأنه الPuzzle ما عم تكمل معنا؟
بنسأل حالنا وين المشكلة طيب وشو الحل ؟
باختصار قياس مدى الإنسجاميّة بين قلبك وعقلك والمحافظة على مؤشر عالي للانسجام هو السر بتغيير حياتك للأفضل ، ويلي بيزوّد مستوى التناغم الداخلي عندك وبيحفّز الإبداع .
هالجلسة هي فرصة حقيقية للحصول على حياة أكثر إستقرار من خلال تطبيق تقنيّة تنفسيّة بتساعدك تحافظ على مؤشّر قياس عالي للإنسجاميّة.
بهيدي الجلسة، رح تتعرّف:
- مدى انسجام عقلك وقلبك في الماضي والحاضر.
ورح تتدرّب على:
- المُحافظة على مؤشّر قياس عالي للإنسجامية
- مُضاعفة الإنسجام الداخلي من التناغم، وزيادة الإبداع في حياتك
فوائد جلسة التوازن على المدى الطويل:
- اتخاذ قرارات أكثر حكمة.
- الشعور بالسلام والهدوء.
- تحقيق أهدافك بيُسر وسهولة.
قالوا في الجلسات
تحسن كثير من أفكاري ومعتقداتي ، تخطيت أشياء علقانة من الطفولة مخليتني حس بعقد نقص وقلة ثقة بالنفس. دخلت الجلسة شخص تعبان ، مش مبسوط مع انو مأمنلو كل شي، ضهرت من الجلسة عارفة ليْ مش مبسوطة، وشو اللي لازم اشتغل عليه. عبّرت عن كل شي جواتي، قدرت إتخطّى اشيا كتير كانت علقانة، حتى تخلّصت من شعوري بالذنب تجاه ولادي لما كون بالشغل.ما بعرف كيف صار هيدا الشي بجلسة واحدة، بس فيي قول تغيّرت حياتي ٩٠٪ بعدها.
أ.ن.
واصلت التخبّط بأفكاري وجذبت السيّء لمدّة ١٥ سنة، مثقلة بالهموم والتفكير المفرط والمشاعر المكبوتة الناتجة عن صدمات الحياة. خلال الجلسة غصت في أعماق روحي، اكتشفت ذاتي، أدركت الأشياء المحفورة في عقلي الباطن والتي تحكم تصرّفاتي.أخذتني يد ملائكية إلى الضوء، نفضت عني غبار الألم، وأنارت دربي محبة وفرح.
ج.ع.
كنت حس حالي خارج البازل، مش راكب مطرحي، كنت عطول عصّب وإنزعج، وبعمري ما عرفت شو التسليم.بعد الجلسات بطّلت محبّص، كأن إيد الله موجودة بكل مواضيع حياتي. بطّل تفكيري مادي محدود، بعد ما كان كتير بيهمني رأي الآخر.شفت نفسي بالمحل الصح، وانعكس تحرير لأولادي وعطاء عن فيض.
أ.أ.ع
كان همي الوحيد إرضاء الآخر، وإجت خيبات الأمل من اللي ضحّيت قدامن. راحت ثقتي بنفسي ومعها كل طاقتي. بعد جولتي الداخليّة، رجعت للدرس لما اكتشفت قدراتي المكبوتة، رجعت ثقتي بنفسي. نيّتي بالآخرين تغيّرت، صرت حسّن الظن. ساعدتني الجلسة إنو سامح نفسي عن أخطاء عملتها مع نفسي ومع الآخرين. تحولت من دور الضحيّة. وكسرت عندي كل شي إسمو خوف.
س.ز.
دخلت عن فضول، ما كنت قابض الموضوع جد. ادركت التغيير فيما بعد. صار كل ما يقطع الوقت، كل ما شوف أثر الجلسات، كل ما حس حالي أخف على الأرض ضمنيّاً وخارجيّاً، عقلي صار صافي أكتر ومرتاح، أفكاري أوضح. تفلتر وتنظّف عقلي الباطن، مما أثّر على إنتاج أفكار جديدة، كأت الواحد عم يعمل zoom out. وكل ما يمشي الوقت، كل ما استفيد أكتر. تجربة رائعة، أنصح بها جدّاً.
ن. و.